Sansar News- Online for Global Nepali

यसकारण फेरि जोगीन सक्छ ओलीको कुर्सी

समर शर्मा
२ महिना पहिले
यसकारण फेरि जोगीन सक्छ ओलीको कुर्सी

फागुन १६, काठमाडौं । सर्वोच्च अदालतको निर्णयले निकास दियो भनिरहँदा पुनः देश अन्यौंलतातर्फ मोडिएको छ । संसद बैठकको दिन नजिकिँदै गर्दा नेकपा विभाजनबारे निर्वाचन आयोगले निर्णय नगर्नु र दलहरुबीच सहमती नहुनाका कारण अन्यौंलतातर्फ मोडिएको हो ।

सर्वोच्च अदालतको संसद विघटनलाई बदर गर्ने निर्णयसँगै १३ दिन अर्थात् आगामी फागुन २३ गतेभित्रै संसद बैठक बस्नुपर्नेछ । तर, हालसम्म पनि थप कदमबारे कुनै पक्षबाट पनि निक्र्यौल भएको छैन् ।

अविश्वास प्रस्ताव नै अन्यौंलमा छ

संसद विघटन गर्ने कदम चाल्दै गर्दा गत पुस ५ मा प्रचण्ड–नेपाल समूहका सांसदहरुले प्रधानमन्त्री केपी शर्मा ओलीविरुद्व अविश्वासको प्रस्ताव दर्ता गराएका थिए । जहाँ प्रचण्ड–नेपाल समूहका नेता पुष्पकमल दाहाल ‘प्रचण्ड’लाई आगामी प्रधानमन्त्रीको रुपमा प्रस्ताव गरिएको थियो । तर, उक्त प्रस्ताव संसद विघटन भईसकेको कारण स्थगनमा पर्यो ।

संसद बैठक सुरु हुँदै गर्दा उक्त प्रस्ताव पुनः आउँछ वा थप सहमतीसहित आउँछ अन्यौंल छ । एकातर्फ नेकपा कानूनतः विभाजन भएको छैन् भने अर्को तर्फ अविश्वासको प्रस्तावबारे प्रचण्ड–नेपाल समूह र दलहरुबीच सहमती छैन् ।

यस्तोमा प्रचण्ड–नेपाल समूहले अविश्वासको प्रस्ताव ल्याएको खण्डमा पारित नहुने सम्भावना रहन्छ । किनकी विपक्षी मुख्य दल नेपाली किांग्रेस र जनता समाजवादी पार्टी (जसपा)ले प्रचण्ड–नेपाल पक्षलाई तत्कालै विश्वास गर्न नसकिने बताएका छन् ।

केहि दिनअघि आफुँलाई भेट्न पुगेका प्रचण्ड र माधव नेपाललाई कांग्रेस सभापति शेरबहादुर देउवाले ‘तपाईँहरुको पार्टी स्पष्ट गरेर आउनुस्’ भन्ने सुझाब दिएका थिए । यता जनता समाजवादी पार्टीले पनि कांग्र्रेसले जस्तै सुझाब दिएको थियो । दुवै दलहरुले नेकपा विभाजन नभएको स्थितिमा जस्तो सुकै निर्णय पनि विश्वास गर्न नसकिने बताएका थिए ।

जसको कारण अविश्वासको प्रस्ताव अन्यौंलमा परेको छ । कानूनतः प्रतिनिधि सभामा तत्काल कायम रहेका सम्पूर्णं सदस्यमध्ये एक चौथाई सदस्यले प्रधानमन्त्रीविरुद्व अविश्वासको प्रस्ताव राख्न सक्नेछ । तर, अविश्वासको प्रस्ताव प्रचण्ड–नेपाल समूहले अन्य दलहरुको सहमती बिना पास गराउन सक्ने स्थिति छैन् । यदि प्रस्ताव असफल भएका पुनः १ वर्षसम्म अर्को प्रस्ताव ल्याउन पाईँदैन् ।

आधिकारिक विभाजन नहुनु नै ओलीलाई फाईदा

प्रधानमन्त्री ओलीले राजीनामा नदिने र प्रतिनिधि सभामा अविश्वासको प्रस्ताव ल्याए सामना गर्ने अडान लिएका छन् । उनले सार्वजनिक रुपमै आफूलाई प्रतिनिधि सभामा ६३ प्रतिशतको समर्थन रहेको बताइरहेका छन् । यसको मुख्य कारण हो, नेपाल कम्युनिष्ट पार्टी ९नेकपा० को औपचारिक विभाजन नहुनु ।

निर्वाचन आयोगले विभाजनको निर्णय नगरेको कारण संसदभित्र नेकपा एउटै दलको रुपमा छ । कानूनतः एउटै दल नेकपाको संसदभित्र झण्डै दुई तिहाई बहुमत छ । प्रधानमन्त्री केपी शर्मा ओली हालसम्म उक्त बहुमत पक्षका संसदीय दलका नेता पनि हुन् ।

संसदभित्र बहुमत दलको नेता नै प्रधानमन्त्री बन्ने व्यवस्था संविधानमा छ ।

सर्बाधिक पढिएको

एमाले नेता अर्यालद्वारा प्रधानमन्त्रीसँग स्पष्टीकरण माग, ३ दिनभित्र जवाफ दिन आग्रह

एमाले नेता अर्यालद्वारा प्रधानमन्त्रीसँग स्पष्टीकरण माग, ३ दिनभित्र जवाफ दिन आग्रह ४ हप्ता पहिले | संसार न्यूज़

१० चैत, काठमाडौं । नेकपा (एमाले)का युवा नेता दामोदर अर्यालले…

कतारमा रहेका नेपालीहरुका लागि दूतावासले निकाल्यो यस्तो सूचना

कतारमा रहेका नेपालीहरुका लागि दूतावासले निकाल्यो यस्तो सूचना ४ हप्ता पहिले | संसार न्यूज़

१२ चैत्र, काठमाडौँ । कतारस्थित नेपाली दूतावासले कतारमा रहेका नेपालीहरुको जानकारीका…

माओवादीका प्रदेश प्रमुखले एमालेका मुख्यमन्त्रीलाई सघाएपछि…

माओवादीका प्रदेश प्रमुखले एमालेका मुख्यमन्त्रीलाई सघाएपछि… १ हप्ता पहिले | संसार न्यूज़

वैशाख २, काठमाडौं । नेकपा (माओवादी केन्द्र) र राष्ट्रिय जनमोर्चाले…

यी हुन् शाहीको सत्ता जोगाउने एमालेका ४ सांसद

यी हुन् शाहीको सत्ता जोगाउने एमालेका ४ सांसद ७ दिन पहिले | संसार न्यूज़

वैशाख ३, काठमाडौं । नेकपा (एमाले)का चार सांसदले ‘फ्लोरक्रस’ गर्दै…