फागुन १६, काठमाडौं । प्रधानमन्त्री केपी शर्मा ओलीले अविश्वासको प्रस्तावबाट आफुँलाई हटाएर देखाउन प्रचण्ड–नेपाल समूहलाई चुनौती दिएका छन् । झापामा आयोजित एक कार्यक्रमलाई सम्बोधन गर्दै उनले यस्तो चुनौती दिएका हुन् ।
उनले आफुँलाई हटाए अर्को पटक दुई तिहाई लिएर आउने चुनौती दिए । ‘केपी ओलीलाई हटाएर हेर्नुस्, अविश्वासको प्रस्ताव राख्नुस्’, ओलीले भने, ‘हटाउन सक्नु भयो भने जनताबाट दुई तिहाइ लिएर आइन्छ, सर्वोच्च अदालतबाट प्रतिनिधि सभा पुनस्स्थापना गरे झै हटाउनुस्।’
उनले दुई तिहाई जनमतलाई यत्तिकै खेर जान नदिने बताए । आन्तरिक प्रयासहरु असफल हुँदै गएपछि आफुँलाई फाल्न प्रभुको खोजीसमेत गर्न थालिएको प्रधानमन्त्रीको भनाई छ ।
कांग्रेस सभापति शेरबहादुर देउवा र जनता समाजवादी पार्टीका नेताहरुसँगको प्रचण्ड–नेपाल पक्षको प्रस्तावप्रति टिप्पणी गर्दै उनले भने –प्रभु, संसद पुनर्स्थापना भइसक्यो, यो केपी ओलीलाई हटाउन सकिँदैन, प्रभुले प्रधानमन्त्री स्वीकार गरिदिनुपर्यो, विभिन्न थरी नन्दी भृङ्गी मिलेर सरकार बनाऊँ ।
प्रचण्ड र नेपालको ध्यान पद र परिवारको बृद्धि विकासमा मात्रै रहेको उनको आरोप छ ।
वि.सं.२०७७ फागुन १६ आइतवार १७:५६ मा प्रकाशित