Sansar News- Online for Global Nepali

ओली खेमाभित्रै तीन धार, पार्टी फुटाउने विषयमा विवाद

समर शर्मा
२ महिना पहिले
ओली खेमाभित्रै तीन धार, पार्टी फुटाउने विषयमा विवाद

फागुन १७, काठमाडौं । प्रधानमन्त्री केपी शर्मा ओलीले आफ्नो समूह एकाकार रहेको बताईरहँदा समूहभित्र भने तीन धार स्पष्ट रुपमा देखिन थालेको छ । नेकपालाई औपचारिक रुपमा फुटाउने वा पुनः एकै ठाउँमा ल्याउने भन्ने विषयमा ओली समूहभित्र तीन धार देखिएको हो ।

केहि नेता जसरी पनि पार्टी विभाजन रोक्नुपर्ने र कतिपय तत्कालै पार्टी फुटाउनु पर्ने लाईनमा देखिएका छन् । शुक्रबार बसेको मन्त्रिपरिषद बैठकमा पार्टी विभाजनबारे नेताहरुबीच भनाभनसमेत भएको स्रोतले बताएको छ ।

तत्कालै पार्टी विभाजन गर्नुपर्ने पक्षमा बहुमत

शुक्रबारको मन्त्रिपरिषद बैठकमा प्रधानमन्त्रीले मन्त्रिहरुसँग आगामी रणनीतिबारे सुझाब मागेका थिए । जसमा अधिकांश मन्त्रीहरुले तत्कालै पार्टी विभाजन गरेर जानुपर्ने बताएको स्रोतले बताएको छ ।

जनाएअनुसार उपप्रधानमन्त्री ईश्वर पोखरेलसहित पूर्वमाओवादी खेमाका मन्त्रिहरुले तत्कालै पार्टी विभाजन गरेर जानुपर्ने सुझाब राखेका थिए । उर्जामन्त्री टोपबहादुर रायमाझी, सहरी विकासमन्त्री प्रभु शाह, खानेपानी मन्त्री मणि थापालगायतले तत्कालै पार्टी विभाजनको विकल्पमा जानुपर्ने सुझाब दिएका थिए ।

उनीहरुले पुरानो एमालेलाई ब्यूताउने गरि जानुपर्ने पनि सुझाब राखेको स्रोतले बताएको छ ।

प्रचण्ड–नेपाल समूहका गतिविधिका कारण पार्टी एकताको सम्भावना नरहेको भन्दै मन्त्रीहरुले तत्कालै पार्टीलाई एकत्रीत गर्न पनि विभाजनमा जानुपर्ने सुझाब दिएका थिए । जनाइएअनुसार मन्त्रिहरुले एमाले ब्यूताउन सकिने पुनः पूर्वएमालेको स्थितिमा पुर्याउन सम्भव भएको विचार राखेको स्रोतले बतायो ।

तर, मन्त्री पौडेलसहित केहिको सुझाब – फेरि पार्टी जुटाउन पर्छ

पार्टीको अनौपचारिक विभाजनपश्चात पनि महासचिव विष्णु पौडेल पार्टीलाई जुटाउनु पर्छ भन्ने लाईनमा छन् । उनी र उनी पक्षको समूह पार्टी एकतालाई अगाडि बढाउनुपर्ने धारणामा छ ।

शुक्रबारको मन्त्रिपरिषद बैठकमा पनि पौडेलसहित केहि पूर्वएमाले पक्षधर मन्त्रीहरु पार्टीलाई एक ठाउँमा ल्याउनुपर्ने बुझाइएमा देखिएका थिए ।

स्रोतले जनाएअनुसार पौडेलसहित परराष्ट्रमन्त्री प्रदीप ज्ञवाली, भौतिक पूर्वाधारमन्त्री बसन्त नेम्वाङलगायतले पार्टीलाई पुनः एक बनाउन छलफल अगाडि बढाउन आग्रह गरेका थिए ।

पोखरेल र पौडल पक्षबीच भनाभन

शुक्रबारको बैठकमा तत्कालै पार्टी फुटाउनु पर्ने र पार्टी एकतामा तत्कालै जुट्नुपर्ने विरोधी भनाईका बीच दुईबीच भनाभनसमेत भएको बुझिएको छ । जनाइएअनुसार मुख्यगरि उपप्रधानमन्त्री पोखरेल र अर्थमन्त्री पौडेलबीच भनाभनसमेत भएको थियो ।

पौडेलले पार्टी फुटाए भविष्य कमजोर हुने बताएका थिए ।

अलमलमा बादल

ओली समूहमा पुगेपछि आफुँ पक्षधर नेताहरुको साथ गुमाएका गृहमन्त्री रामबहादुर थापा ‘बादल’ भने आगामी कदमबारे अन्यौंलमा छन् । स्रोतले बताएअनुसार शुक्रबारको बैठकमा पनि उनी मौन बसेका थिए ।

पूर्वमाओवादी पक्षका मन्त्रीहरु तत्कालै पार्टी विभाजन गरेर जानुपर्ने सुझाब राखिरहँदा उनी मौन रुपमा सुनिरहेका थिए । जनाइएअनुसार पछिल्लो समय थापासहित केहि मन्त्रीको अवस्थाबारे प्रधानमन्त्रीले जिज्ञासा राखेका थिए । उनीहरुको पक्षमा सांसदहरु नभएको भन्दै प्रधानमन्त्रीले ‘सोंच्नुपर्ने’ बताएपछि थापा असन्तुष्ट छन् ।

शुक्रबार बैठकमा पूर्वमाआवादी पक्षका मन्त्रीहरुले पुनः एकता गर्दा आफुँहरु अपमानित हुने भनाई राखेको बुझिएको छ ।

सर्बाधिक पढिएको

एमाले नेता अर्यालद्वारा प्रधानमन्त्रीसँग स्पष्टीकरण माग, ३ दिनभित्र जवाफ दिन आग्रह

एमाले नेता अर्यालद्वारा प्रधानमन्त्रीसँग स्पष्टीकरण माग, ३ दिनभित्र जवाफ दिन आग्रह ४ हप्ता पहिले | संसार न्यूज़

१० चैत, काठमाडौं । नेकपा (एमाले)का युवा नेता दामोदर अर्यालले…

कतारमा रहेका नेपालीहरुका लागि दूतावासले निकाल्यो यस्तो सूचना

कतारमा रहेका नेपालीहरुका लागि दूतावासले निकाल्यो यस्तो सूचना ४ हप्ता पहिले | संसार न्यूज़

१२ चैत्र, काठमाडौँ । कतारस्थित नेपाली दूतावासले कतारमा रहेका नेपालीहरुको जानकारीका…

माओवादीका प्रदेश प्रमुखले एमालेका मुख्यमन्त्रीलाई सघाएपछि…

माओवादीका प्रदेश प्रमुखले एमालेका मुख्यमन्त्रीलाई सघाएपछि… १ हप्ता पहिले | संसार न्यूज़

वैशाख २, काठमाडौं । नेकपा (माओवादी केन्द्र) र राष्ट्रिय जनमोर्चाले…

यी हुन् शाहीको सत्ता जोगाउने एमालेका ४ सांसद

यी हुन् शाहीको सत्ता जोगाउने एमालेका ४ सांसद ७ दिन पहिले | संसार न्यूज़

वैशाख ३, काठमाडौं । नेकपा (एमाले)का चार सांसदले ‘फ्लोरक्रस’ गर्दै…