१८ फागुन, काठमाडौँ । अष्ट्रेलियन क्रिकेट टिमका अलराउण्डर ग्लेन म्याक्सवेल २०२१ को आईपिएल लागि चेन्नाईमा भएको अक्सनमा रोयल च्यालेन्जर्स बेङ्गलोरमा अनुबन्धित भएका छन । ग्लेन म्याक्सवेललाई रोयल च्यालेन्जर्स बेङ्गलोरले १४.२५ करोडमा आफ्नो टिममा अनुबन्धित गरेको थियो ।
निकै मोटो रकममा रोयल च्यालेन्जर्स बेङ्गलोरमा अनुबन्धित भएका ग्लेन म्याक्सवेलले आईपिएलको आगामी संस्करणमा भाग लिन निकै उत्साहित रहेको बताएका छन । रोयल च्यालेन्जर्स बेङ्गलोरको टिम विराट कोहलीको कप्तानीमा रहेको छ । उनले बेङ्गलोरका कप्तान विराट कोहलीबाट आफूले आगामी आईपिएलको संस्करणमा धेरै कुरा सिक्ने मौका पाउने बताएका छन ।
“विराट कोहली विश्व क्रिकेटका सबै फरम्याटका उत्कृष्ट खेलाडी हुन । विराट आईसीसीको टेस्ट, एकदिवसीय र टि-२० क्रिकेटको वरियतामा शिर्ष १० मा रहेका छन । उनी आफ्नो खेललाई परिस्थिति अनुसार अनुकूल बनाउन सक्षम रहेका छन । उनी एक उत्कृष्ट कप्तानका साथै महान खेलाडी पनि हुन । विराटसँग आईपिएलमा सँगै खेल्न निकै उत्साहित रहेको छु” ग्लेन म्याक्सवेल ।
ग्लेन म्याक्सवेलले २०१९ मा मानसिक स्वास्थ्य समस्याका कारण केही समय क्रिकेटबाट विश्राम लिएका थिए । त्यस समयमा उनलाई विराट कोहलीले साथ दिएको पनि उनले बताएका छन ।
हाल ग्लेन म्याक्सवेल न्यूजिल्याण्ड विरुद्धको ५ खेलको टि-२० श्रृखलाका लागि अष्ट्रेलियाको टिमसँग न्यूजिल्याण्डमै रहेका छन ।
वि.सं.२०७७ फागुन १८ मंगलवार १३:१३ मा प्रकाशित