२३ फागुन, काठमाडौं । प्रधानमन्त्री केपी शर्मा ओलीले कोरोना भाइरसविरुद्धको खोप लगाएका छन् ।
आजदेखि सुरु भएको कोरोना भाइरसविरुद्धको दोस्रो चरणको खोप अभियान अन्तर्गत प्रधानमन्त्री ओलीले त्रिवि शिक्षण अस्पताल महाराजगञ्जमा पुगेर धर्मपत्नी राधिका शाक्यसँगै ‘कोभिशिल्ड’ खोप लगाएका हुन् ।
प्रधानमन्त्रीसँर्गै मन्त्री विष्णुप्रसाद पौडेल, परराष्ट्रमन्त्री प्रदीपकुमार ज्ञवाली, स्वाथ्य तथा जनसङ्ख्यामन्त्री हृदयेश त्रिपाठी र उद्योग, वाणिज्य तथा आपूर्तिमन्त्री लेखराज भट्टले पनि खाप लगाएका छन् ।
खोप लगाइसमेपछि आफूलाई कुनैपनि नकरात्मक असर नपरेको भन्दै प्रधानमन्त्री ओलीले ढुक्क भएर खोप लगाउन सर्वसाधारणमा अनुरोध गरेका थिए ।
दोस्रो चरणको खोप अभियानअन्तर्गत ६५ वर्षमाथिका नागरिकलाई खोप लगाउन थालेको छ । बीस दिनसम्म चल्ने ज्येष्ठ नागरिक खोप अभियानमा १६ हजारलाई खोप लगाइने स्वास्थ्य मन्त्रालयले जनाएको छ ।
वि.सं.२०७७ फागुन २३ आइतवार १२:२३ मा प्रकाशित