Sansar News- Online for Global Nepali

पत्रकार महासंघको निर्वाचन सम्पन्न, ९० प्रतिशत बढी मतदान

संसार न्यूज़
२ हप्ता पहिले
पत्रकार महासंघको निर्वाचन सम्पन्न, ९० प्रतिशत बढी मतदान

२५ चैत्र, काठमाडौँ । नेपाल पत्रकार महासंघको केन्द्रीय समिति, प्रदेश समिति, जिल्ला शाखा र विभिन्न प्रतिष्ठान तथा एसोसिएटमा नयाँ नेतृत्वका लागि भएको निर्वाचन शान्तिपूर्ण रुपमा सकिएकाे छ ।

नेपाल पत्रकार महासंघका केन्द्रीय अध्यक्ष गोविन्द आचार्यले आजको मतदान भव्य र सभ्यरुपमा सम्पन्न भएको बताएका छन् ।

सामाजिक सञ्जालमार्फत अध्यक्ष आचार्यले निर्वाचनमा ९० प्रतिशतभन्दा बढी मतदान भएको बताएका छन् । ‘निर्वाचनमा ९० प्रतिशतभन्दा बढी सदस्यले मतदान गर्नुभएको छ ।’ अध्यक्ष आचार्यले सञ्जालमा उल्लेख गरेका छन् ।

उनले मतदान सम्पन्न गर्न लागि पर्ने सबैमा हार्दिक आभार व्यक्त गरेका छन् । उनले भनेका छन् ‘मतदान सम्पन्न गर्न अहोरात्र खट्ने केन्द्र, प्रदेश र शाखाका निर्वाचन समिति, सुरक्षाकर्मीसहित आम पत्रकार साथीहरुमा हार्दिक आभार व्यक्त गर्दछु ।’

साथै उनले अब मत गणना सुरु भएको जानकारी दिँदै त्यसलाई व्यवस्थितरुपमा सम्पन्न गर्न सबैको साथ र सहयोगका लागि अनुरोध गरेका छन् ।

निर्वाचनबाट आउने नयाँ कार्यसमितिले लोकतान्त्रिक बिधि र प्रक्रियावाट चुनिने नेतृत्वले महासंघको साझा चरित्र र गरिमालाई कायम राख्दै सबैको भावना समेट्दै अघि बढ्ने विश्वास पनि उनले व्यक्त गरेका छन् ।

नेपाल पत्रकार महासंघ केन्द्र, प्रदेश र शाखा नेतृत्वका लागि प्रत्यक्ष निर्वाचन प्रणालीमार्फत पहिलो पटक देशैभर एकैपटक निर्वाचन भएको हो ।

महासङ्घको केन्द्रीय समिति, प्रदेश समिति, जिल्ला शाखा र विभिन्न प्रतिष्ठान तथा एसोसिएटमा नयाँ नेतृत्वका लागि १३ हजार १२२ सदस्य मतदाता भएकोमा ११३५ जनाले मतदान गरेको जानकारीमा आएको छ । 

४९ पदका लागि १५२ को उम्मेदवारी परेको छ । केन्द्रीय समितिको अध्यक्षमा विपुल पोखरेल र निर्मला शर्माले प्यानलसहित उम्मेदवारी दिएका छन् भने गजेन्द्रसिंह बुढाथोकी पनि अध्यक्षको प्रत्याशी रहेका छन् ।

सर्बाधिक पढिएको

एमाले नेता अर्यालद्वारा प्रधानमन्त्रीसँग स्पष्टीकरण माग, ३ दिनभित्र जवाफ दिन आग्रह

एमाले नेता अर्यालद्वारा प्रधानमन्त्रीसँग स्पष्टीकरण माग, ३ दिनभित्र जवाफ दिन आग्रह ४ हप्ता पहिले | संसार न्यूज़

१० चैत, काठमाडौं । नेकपा (एमाले)का युवा नेता दामोदर अर्यालले…

कतारमा रहेका नेपालीहरुका लागि दूतावासले निकाल्यो यस्तो सूचना

कतारमा रहेका नेपालीहरुका लागि दूतावासले निकाल्यो यस्तो सूचना ४ हप्ता पहिले | संसार न्यूज़

१२ चैत्र, काठमाडौँ । कतारस्थित नेपाली दूतावासले कतारमा रहेका नेपालीहरुको जानकारीका…

माओवादीका प्रदेश प्रमुखले एमालेका मुख्यमन्त्रीलाई सघाएपछि…

माओवादीका प्रदेश प्रमुखले एमालेका मुख्यमन्त्रीलाई सघाएपछि… १ हप्ता पहिले | संसार न्यूज़

वैशाख २, काठमाडौं । नेकपा (माओवादी केन्द्र) र राष्ट्रिय जनमोर्चाले…

यी हुन् शाहीको सत्ता जोगाउने एमालेका ४ सांसद

यी हुन् शाहीको सत्ता जोगाउने एमालेका ४ सांसद ७ दिन पहिले | संसार न्यूज़

वैशाख ३, काठमाडौं । नेकपा (एमाले)का चार सांसदले ‘फ्लोरक्रस’ गर्दै…