३१ चैत, काठमाडौं । पछिल्लो २४ घण्टामा देशैभरी गरिएको ५ हजार २०३ नमुना परीक्षणमा ५१७ जनामा कोरोना संक्रमण पुष्टि भएको छ । संक्रमित मध्ये पिसीआर परीक्षणबाट ४६० जना र एन्टिएजिन परीक्षणबाट ५७ जना गरी जम्मा ५१७ जना संक्रमित भएका हुन् ।
आज थपिएका ५१७ जनासँगै नेपालमा कोरोना संक्रमितको कूलसंख्या २ लाख ८० हजार ९८४ पुगेको छ ।
त्यसैगरी आज देशैभरी १५३ जना कोरोना संक्रमणबाट मुक्त भएका छन् । आज निको भएका १५३ जनासँगै नेपालमा कोरोना संक्रमणबाट मुक्त हुनेको कूलसंख्या २ लाख ७४ हजार ३१८ पुगेको छ । निको हुनेको यो दर ९७.६ प्रतिशत हो ।
त्यस्तै पछिल्लो २४ घण्टामा ४ जना र विभिन्न ठाउँबाट प्राप्त भएको रिर्पोटमा ५ जना गरेर जम्मा ९ जनाको कोरोना संक्रमितको निधन भएको छ । स्वास्थ्य मन्त्रालयका अनुसार आज थपिएका ९ जनासँगै हालसम्म कोरोना संक्रमणबाट ज्यान गुमाउनेको संख्या ३ हजार ६२ रहेको स्वास्थ्य मन्त्रालयले जनाएको छ । त्यस्तै देशैभरी सक्रिय संक्रमितको संख्या ३ हजार ६०८ रहेको छ ।
त्यसैगरी हालसम्म पिसीआर प्रविधिबाट २३ लाख २१ हजार ६७० कोरोनाका नमुना परीक्षण गरिएको छ ।
नेपालमा बढ्दो छ कोरोना संक्रमितको संख्या, एकैदिन थपिए ५५९ संक्रमित, ८ जनाको निधन
वि.सं.२०७७ चैत ३१ मंगलवार १६:४७ मा प्रकाशित