Sansar News- Online for Global Nepali

संकटमा मुख्यमन्त्री गुरुङ, जनमोर्चा पनि उभियो विपक्षमा

संसार न्यूज़
३ हप्ता पहिले
संकटमा मुख्यमन्त्री गुरुङ, जनमोर्चा पनि उभियो विपक्षमा

वैशाख १, काठमाडौं । गण्डकी प्रदेशका मुख्यमन्त्री पृथ्वीसुब्बा गुरुङको सरकार ढल्ने निश्चित भएको छ । राष्ट्रिय जनमोर्चाले सरकारलाई दिएको समर्थन फिर्ता लिएसँगै अल्पमतमा परेको सरकार ढल्ने निश्चित भएको हो ।

जनमोर्चाले समर्थन फिर्ता लिएसँगै विपक्षी दलहरुले अविश्वासको प्रस्ताव ल्याउने तयारीसमेत थालेका छन् । जहाँ नेपाली कांग्रेस र नेकपा (माओवादी केन्द्र)को समिकरणसमेत बनिसकेको छ । समर्थन फिर्ता लिएको जनमोर्चाले ओली पक्ष प्रतिगमनकारी भएको निष्कर्ष निकाल्दै अन्य पक्षलाई सहयोग गर्ने बताएको छ ।

गत बुधबार माओवादीका दुई मन्त्रीले सरकार गलत दिशातर्फ गएको भन्दै राजीनामा दिएका थिए । माओवादी पक्ष सरकारबाट बाहिरिएसँगै गुरुङ नेतृत्वको सरकार अल्पमतमा परेको थियो । तर, माओवादीले समर्थन फिर्ता लिएलगत्तै राष्ट्रिय जनमाेर्चाले सरकार हेरफेरकाे काममा नलाग्ने भन्दै सहयाेग गर्ने बताएकाे थियाे ।

तत्कालिन नेकपामा विभाजन आउँदा अल्पमतमा परेको देखिए पनि मुख्यमन्त्री गुरुङविरुद्व अविश्वासको प्रस्ताव दर्ता भएको थिएन । केन्द्रमा विभाजन आउँदा पनि माओवादी समूहले गुरुङलाई सहयोग गर्दै आएको थियो ।

६० सदस्यीय गण्डकी प्रदेशसभामा एमालेसँग एक्लै २८ सांसद छन् । तर, बहुमत पु¥याउन अन्य दलको सहयोग भने लिनुपर्ने हुन्छ । दुई सांसद भएको जसपा वा तीन सांसद भएको जनमोर्चाको सहयोग लिएमा सरकार टिक्ने सम्भावना हुन्छ ।

तर, दुवै दलले सार्वजनिक रुपमै एमालेलाई सहयोग नगर्ने बताईसकेका छन् । अब प्रदेशमा १५ सांसद भएको कांग्रेस र १२ सांसद भएको माओवादी केन्द्रसहित अन्य साना दलसमेत मिलेर सरकार बन्ने सम्भावना छ ।

सर्बाधिक पढिएको

माओवादीका प्रदेश प्रमुखले एमालेका मुख्यमन्त्रीलाई सघाएपछि…

माओवादीका प्रदेश प्रमुखले एमालेका मुख्यमन्त्रीलाई सघाएपछि… ३ हप्ता पहिले | संसार न्यूज़

वैशाख २, काठमाडौं । नेकपा (माओवादी केन्द्र) र राष्ट्रिय जनमोर्चाले…

यी हुन् शाहीको सत्ता जोगाउने एमालेका ४ सांसद

यी हुन् शाहीको सत्ता जोगाउने एमालेका ४ सांसद ३ हप्ता पहिले | संसार न्यूज़

वैशाख ३, काठमाडौं । नेकपा (एमाले)का चार सांसदले ‘फ्लोरक्रस’ गर्दै…

आफ्नै निर्देशन नमान्ने सानिमा बैंकलाई राष्ट्र बैंककाे झण्डै २४ करोड जरिवानाबाट उन्मुक्ति

आफ्नै निर्देशन नमान्ने सानिमा बैंकलाई राष्ट्र बैंककाे झण्डै २४ करोड जरिवानाबाट उन्मुक्ति ४ दिन पहिले | संसार न्यूज़

२० वैशाख, काठमाडाैं । सानिमा बैंकले नेपाल सरकारलाई करीब २४…

हनिमुन मनाउन गएका शरिक दम्पत्ती २१ महिना कतारको जेलमा, जेलमै जन्मिइन् छोरी

हनिमुन मनाउन गएका शरिक दम्पत्ती २१ महिना कतारको जेलमा, जेलमै जन्मिइन् छोरी ३ हप्ता पहिले | संसार न्यूज़

३ बैशाख, भारत । हनिमुन मनाउन कतार गएका एकजोडी विना…