७ वैशाख, काठमाडौं । नायिका केकी अधिकारीलाई कोरोना संक्रमण भएको छ । केकीले पहिलो पटक कोरोना टेष्ट गर्दा पोजिटिभ देखिएपछि पुन दोश्रो पटक टेष्ट गरेकी थिइन् । केकीको दोश्रो पटक पनि कोरोना पोजिटिभ रिपोर्ट आएपछि यतिबेला होम आइसोलेसनमा छिन् ।
केकीलाई कोरोना संक्रमण भएपछि सोमबारदेखि छायांकनमा जाने तयारीमा रहेको चलचित्र ‘घिन्ताङ’को सेड्यूल प्रभावित बनेको छ । ‘घिन्ताङ’मा नायिका केकी अधिकारी नायक गौरब पहारीको मुख्य भूमिका छ ।
दिपक श्रेष्ठको निर्देशनमा तयार हुन लागेको चलचित्रको छायांकन यसअघि पनि निर्देशक दीपक श्रेष्ठलाई कोरोना पोजिटिभ देखिएको कारण प्रभावित बनेको थियो । केकीको रिपोर्ट नेगेटिभ आएसँगै चलचित्र छायांकन सुरु हुने निर्माणपक्षले बताएको छ ।
वि.सं.२०७८ वैशाख ७ मंगलवार १२:३५ मा प्रकाशित