१३ बैशाख, काठमाडौं । प्रभु बैंकले आर्थिक वर्ष २०७७/७८ को तेस्रो त्रैमासको वित्तिय विवरण सार्वजनिक गरेको छ । बैंकले यो आर्थिक वर्षको चैत्र मसान्तसम्ममा गतवर्षको सोहि अवधिको तुलनमा ४४.०८ प्रतिशतले खुद नाफा बढाएको छ ।
गत आर्थिक वर्षको चैत मसान्तमा १ अर्ब ४६ करोड ४१ लाख रुपैयाँ खुद नाफा कमाएको बैंकले यो आर्थिक वर्षको सोहिअवधिमा २ अर्ब १० करोड ९६ लाख रुपैयाँ खुद नाफा आर्जन गरेको छ । यो गत बर्षको तुलनमा ६४ करोड ५४ लाख रुपैयाँले बढि नाफा हुन आउछ ।
बैंकले चालु आर्थिक वर्षमा १ अर्ब ५९ करोड ३९ लाख रुपैयाँ वितरणयोग्य मुनाफा आर्जन गरेको छ । साथै, चालु आवको चैत मसान्तसम्म १ खर्ब ६३ अर्ब ७८ करोड रुपैयाँ निक्षेप संकलन गरी १ खर्ब ३४ अर्ब ३० करोड रुपैयाँ कर्जा प्रवाह गरेको छ ।
वि.सं.२०७८ वैशाख १३ सोमवार १३:५० मा प्रकाशित