१३ बैशाख, काठमाडौं । ज्योति लाइफ इन्स्योरेन्सले चालु आर्थिक वर्ष २०७७/७८ को तेस्रो त्रैमासको वित्तिय विवरण सार्वजनिक गरेको छ । कम्पनीले सार्वजनिक गरेको वित्तिय विवरण अनुसार चालु आर्थिक वर्षमा ११.९५ प्रतिशत खुद नाफा आर्जन गरेको छ ।
कम्पनीले यो आर्थिक वर्षको तेस्रो त्रैमासमा १२ करोड ७ लाख ७१ हजार ८२० रुपौँया खुद नाफा आर्जन गरेको छ । गत आर्थिक वर्षको सोहि अवधिमा कम्पनीले १० करोड ७८ लाख ७१ हजार ३६७ रुपौँया खुद नाफा आर्जन गरेको थियो ।
कम्पनीले गत आ.व.को चैत मसान्तमा २ अर्ब ४४ लाख बीमा शुल्क संकलन गरेको थियो । जसमा यो आर्थिक वर्षमा १ सय २४ प्रतिशत अर्थात ३ अर्ब ३ करोड ३१ लाख रुपैयाँ थप गरी ५ अर्ब ४७ करोड ८९ लाख रुपैयाँ पुर्याएको छ । सो अवधिमा कम्पनीको खुद बीमा शुल्क संकलन भने २ अर्ब २१ करोड ९ लाख रुपैयाँ रहेको छ ।
यसैगरी, कम्पनीले सो अवधिमा १० करोड ११ लाख ५२ हजार रुपैयाँ कुल दावी भुक्तानी वितरण गरेको छ । साथै, २२८ जना बीमितले दावी भुक्तानी वितरण गर्न बाँकी राखेको छ ।
वि.सं.२०७८ वैशाख १३ सोमवार १५:१६ मा प्रकाशित