२३ वैशाख, झापा। वाईसिएलले झापामा आफ्नो गतिबिधि तिब्र पारेको छ । वाईसिएलका झापा संयोजक दधि रिमालका अनुसार संगठन निर्माण र सदस्यता बितरणलाई तिब्रता दिएको हो ।
बिगत ४ बर्षदेखि निदाएको संगठनलाइ पुनर संगठित गर्दै व्युँझाइएको रिमाले जानकारी दिए ।
अहिले झापाका १५ वटा स्थानिय तह मध्ये १४ वटाका वाईसिएल भेला सम्पन्न भएको रिमालले बताए । संगठन निर्माण भएका सबै नगरपलिकाहरुमा ४१ सदस्य तथा गाउँपालिकाहरुमा ३५ सदस्य संगठन निर्माण भएका छन् । एउटामा भने भेला आयोजक समिति गठन गरिएको छ । संगठन निर्माणबाट ११३५ जाना संगठित भएको रिमालले संसार न्युजलाई जानकारी दिए ।
वाईसिएलले फुड बैंकको स्थापना साथै कोरोना संक्रमित उद्धारको लागि निशुल्क एम्बुलेन्स सेवा सुरुगर्ने तयारी गरिरहेको उनले बताए ।
वाइसिइलले सामाजिक चेतना मुलक कार्यक्रम, प्रशिक्षण मुलक कार्यक्रम , कालाबजारी लगायतका बिकृति बिरूद्ध खबरदारी अभियानलाई पनि संगठन निर्माणसंगै तिब्रता दिइएको छ ।
कोरोना महामारीको समयमा १५ वटै स्थानिय तहमा मास्क लगाओै अभियान सञ्चालन गरिएको तथा जिल्लाभरी १० हजार मास्क बितरण गरिएको संयोजक रिमालले बताए । वाईसिएलले फुड बैंकको स्थापना साथै कोरोना संक्रमित उद्धारको लागि निशुल्क एम्बुलेन्स सेवा सुरुगर्ने तयारी गरिरहेको उनले बताए । त्यस्तै ट्राफिक प्रहरीलाई मास्क सेनिटाईजर हस्तान्तरण कार्यक्रम पनि गर्न लागिएको छ ।
वि.सं.२०७८ वैशाख २४ शुक्रवार १६:१४ मा प्रकाशित