Sansar News- Online for Global Nepali

कविता: वसन्त

कलानिधि दाहाल, कालोपुल, काठमाडौं
१ महिना पहिले
कविता: वसन्त

क्षितिजको अग्लो सतह
पृथ्वीको अन्तर गहिराइँ
र सुनसान शून्यको
पर्दा खोलेर बिस्तारै
केही छाड्दै
केही बाँकी राख्दै
केही बाँकी राख्दै
र केही छाड्दै
रहस्यका मन्द ज्वारहरू
एकपछि अर्को
र अर्कोपछि अर्को गर्दै
खाल खालका
मनोदिलका पर्खाल बनेर
भर्खर
तर अनायास
मेरो घरभित्र छिरेको छ–वसन्त
सुतेकालाई ब्युँझाउदै
लोलाएकालाई उठाउदै
निस्तेज ! निस्तेज !! बस्नेमा
छरेर कामतुर यौन्मादका परागहरू
सर्वत्र गर्भाधान गर्दै
सौन्दर्यको
सृष्टिको
सिर्जनाको
उन्मेषको
उर्ध्वचेतनाको
पूरा छाती खोलेर
अलिकति खुम्च्याउँदै
पूर्वी क्षितिजको कौमार्य
पृथ्वीको अन्तर कञ्चन सुललितता
र सुनसान शून्यको
पर्दा उघारेर
एकाएक
मभित्र अनजानमै
अनायास
घुसेको छ–वसन्त !!

सर्बाधिक पढिएको

राष्ट्रियसभा उपनिर्वाचन : बादल र देवकोटामध्ये कुनको सम्भावना कति ?

राष्ट्रियसभा उपनिर्वाचन : बादल र देवकोटामध्ये कुनको सम्भावना कति ? ४ हप्ता पहिले | संसार न्यूज़

जेठ ५, काठमाडौं । बागमती प्रदेशमा रिक्त राष्ट्रियसभा सदस्य पदका…

एमालेभित्रका अर्का ४ भाइको आयो नयाँ वक्तव्य(हेर्नुहोस् पूर्ण पाठ)

एमालेभित्रका अर्का ४ भाइको आयो नयाँ वक्तव्य(हेर्नुहोस् पूर्ण पाठ) २ हप्ता पहिले | संसार न्यूज़

२० जेठ, काठमाडौं । नेकपा एमालेका बरिष्ठ नेताद्वय झलनाथ खनाल…

एसडी मुनी भन्छन् – ओलीको सत्ता भारतको सहयोगमा चलेको छ (भिडियोसहित)

एसडी मुनी भन्छन् – ओलीको सत्ता भारतको सहयोगमा चलेको छ (भिडियोसहित) ३ हप्ता पहिले | संसार न्यूज़

जेठ १२, काठमाडौं । नेपाल मामलाका जानकार जेएनयूका प्राध्यापक एसडी…

डा .ओममूर्ति अनिलको सुझाव–दैनिक जीवनमा यी खानेकुरा बढी प्रयोग गर्नुहोस्

डा .ओममूर्ति अनिलको सुझाव–दैनिक जीवनमा यी खानेकुरा बढी प्रयोग गर्नुहोस् २ हप्ता पहिले | संसार न्यूज़

वरिष्ठ मुटुरोग विशेषज्ञ डा ओममूर्ति अनिलले दैनिक जीवनमा यी खानेकुरा…