२६ बैशाख, बैतडी । बैतडीको दोगडाकेदार गाउँपालिकाका अध्यक्ष, उपाध्यक्ष एवं कार्यालय प्रयोजनका लागि प्रयोग गरिने सवारी साधन कोरोना संक्रमित विरामीलाई बोक्न प्रयोग गरिने भएको छ ।
विश्व व्यापी महामारीको रुपमा फैलिएको नयाँ भेरिएन्टसहितको कोरोना भाइरसका सक्रिय संक्रमितहरुको संख्या दोगडाकेदार गाउँपालिकामा समेत बढिरहेको अवस्थालाई मध्येनजर गर्दै यस्तो निर्णय गरिएको गाउँपालिकाद्धारा जारी सूचनामा जनाईएको छ ।
उक्त सूचना अनुसार उक्त सेवाका लागि एम्बुलेन्सका लागि विर सिंह ऐरी ९८६५७९२६७६, टिपरका लागि कृष्ण सिंह महरा ९८४८८९९६५६, बोलेरोका लागि धन सिंह कार्की ९८६५९८००५५ र कारका लागि लक्ष्मण प्रसाद जोशीको ९८४८४०८१७४ मा सम्पर्क गरेर सेवा लिन सकिने पालिकाले जनाएको छ ।
दोगडा केदारमा हाल १२ जना कोरोना संक्रमित रहेकोमा एकजना गम्भीर विरामीलाई जिल्ला अस्पतालमा पठाइएको पालिका अध्यक्ष चक्र बहादुर कार्कीले बताएका छन् । अध्यक्ष कार्कीका अनुसार अन्य सबैको स्वास्थ्य अवस्था सामान्य रहेको छ ।
‘१०–१५ दिन अगाडि पालिकाका २ जनाको भारतबाट आउँदै गर्दा मृत्यु भएको छ । अन्य १२ जनामा एकजनाको अवस्था गम्भीर रहेकोले जिल्ला अस्पतालमा पठाइसकेका छौं भने अन्य ११ जनाको सामान्य अवस्था रहेको छ ।’ अध्यक्ष कार्कीले संसारन्युजसँग भने ।
अध्यक्ष कार्कीका अनुसार पालिकामा २ जना डाक्टरसहित २४ बेडसहितको कोरोना अस्पताल निर्माण गरिएको छ । जसमा हाल दुईवटा अक्सिजन सिलिण्डर मात्र रहेका छन् । ‘अन्य सिलिण्डरको जोहो गर्न खोजिरहेका छौं तर पाइएको छैन ।’ अध्यक्ष कार्कीले भने ।
त्यस्तै पालिकाले कोरोना तथा अन्य स्वास्थ्यका विषयमा परामर्श लिनु परेमा निम्न नम्बरमा फोन गरेर सल्लाह लिन सकिने सूचना समेत जारी गरेको छ ।
वि.सं.२०७८ वैशाख २६ आइतवार ०७:५३ मा प्रकाशित