Sansar News- Online for Global Nepali

न्याकको अध्यक्षमा डा. मदन उप्रेती निर्वाचित

विजय थापा, अमेरिका
६ दिन पहिले
न्याकको अध्यक्षमा डा. मदन उप्रेती निर्वाचित

२६ जेठ, अमेरिका । अमेरिकाको डिसी महानगर क्षेत्रमा स्थापित नेपाली अमेरिकन सामुदायिक केन्द्र (न्याक)को अध्यक्ष पदमा डा मदन उप्रेती निर्वाचित भएका छन् ।

विद्युतीय माध्यमबाट भएको निर्वाचनले उनको नेतृत्वमा सर्वसम्मतिबाट एघार सदस्यीय समिति समेत गठन गरेको हो ।

जुन ७ का दिन सर्वसम्मतिमा कार्यकारी समिति तथा बोर्ड अफ ट्रस्टी(गुठि समितिं)का उम्मेदवारहरु निर्बिरोध निर्वाचित हुन् सफल भएका छन् ।

कार्यकारी समितिमा निर्वाचित हुनेहरुमा क्रमस अध्यक्षमा चिकित्सक मदन उप्रेती(डा), वरिष्ठ उपाध्यक्षमा अभियन्ता (इन्जीनियर) ठाकुर ढकाल, उपाध्यक्षमा बिना खड्का लामा, महासचिवमा डा लेखनाथ अधिकारी ,कोषाध्यक्षमा केशव बराल तथा उप कोषाध्यक्षमा हरि पुडासैनी बिजयी भएका छन् ।

यसैगरि कार्यकारी समितिको सदस्यमा प्रेम पौडेल, तोया पौडेल, गुणराज लुइँटेल, प्रज्ञान आचार्य तथा लक्ष्मी शर्मा निर्वाचित भएका छन् । यसैगरि संस्थाको लेखा बिभाग र आर्थिक पक्षलाई चुस्त र दुरुस्त राख्न लेखा समिति सदस्यहरुमा राजन अधिकारी तथा ग्रिष्म दाहाल निर्वाचित भएका छन् ।

अन्तिम समयमा निर्वाचन सुरु हुनु भन्दा एक घण्टा अगाडी मात्र सर्वसम्मतिमा पुग्न सफल भै निर्वाचन प्रकिया नै स्थगित अर्थात बिधुतिय प्रणालीको माध्यमबाट तयारी अवस्थामा रहेको बिदेशी प्रतिष्ठानलाई रोक्न आदेश दिनु परेको थियो । निर्वाचन जुन ७ –८ का दिन देखि मतदान हुने पूर्व सूचनालाई स्थगित गर्दै निर्वाचन समितिले बिजयी हुने उम्मेदवारहरुको नाम सार्वजनिक गरेका थिए ।

यसैगरि ११ सदस्यीय बोर्ड अफ ट्रस्टी(गुठी समिति)समेत गठन भएको छ । गुठीको सभापतिमा अरुण रुपाखेती निर्वाचित भएका छन् ।

बोर्ड अफ ट्रस्टी(गुठि समिति)का उम्मेदवारहरु निर्बिरोध निर्वाचित हुनेहरुमा सभापतिमा अरुण रुपाखेती,उप सभापतिमा टिका मैनाली तथा सचिवमा पुरुषोत्तम सुबेदी रहेका छन ।

गुठि सदस्यमा गोपाल रेग्मी, प्रेम संग्रौला, चिकित्सक गुणराज सुबेदी, परशुराम भण्डारी, तारानाथ पोखरेल तथा मेदिनी अधिकारी निर्वाचित भएका छन् ।

निर्वाचनलाई सम्पन्न गर्न अभिभारा लिने र अहोरात्र खट्ने निर्वाचन समितिको प्रमुखमा चिकित्सक श्याम कार्की, प्रा डा गोपी उप्रेती(बिद्या वारिधि) प्रभा देउजा भट्टराई, राजिब मैनाली तथा सबिना खनालले नतिजा सार्वजनिक गरेका थिए ।

निर्वाचन समितिका प्रमुख डा. श्याम कार्कीले सबै पदमा सर्वसम्मति भएकोमा खुशी व्यक्त गर्दै समितिलाई धन्यवाद दिए भने निर्वाचित हुने सबैलाई बधाई तथा शुभकामना दिएका छन् ।

नेपाली अमेरिकन सामुदायिक केन्द्र (न्याक)सन् २०१९ मा मात्र स्थापना भएको हो । सन् २०१९ मा सप्ताह कार्यक्रम मार्फत २० लाख डलर सङ्कलन गरि त्यसको लगत्तै एक बर्ष भित्र केन्द्रले आफ्नै भवन किन्न सफल भएको हो ।

२० लाख डलर मध्ये १ लाख सप्ताह कार्यक्रममै नगद संकलन गर्न सफल भएको थियो भने १० लाख प्रतिबद्धता जाहेर गरेका थिए ।

स्मरण रहोस ,मुलुक बाहिर योजना थालनी गरेको १ बर्ष भित्रमै सामुदायिक केन्द्र खरिद गर्न १७ लाख डलर नगद हस्तान्तरण गरि आफ्नै भवन किन्न सफल यो सामुदायिक केन्द्र यत्रो लगानी गर्ने सम्भवत पहिलो हो ।

सर्बाधिक पढिएको

राष्ट्रियसभा उपनिर्वाचन : बादल र देवकोटामध्ये कुनको सम्भावना कति ?

राष्ट्रियसभा उपनिर्वाचन : बादल र देवकोटामध्ये कुनको सम्भावना कति ? ४ हप्ता पहिले | संसार न्यूज़

जेठ ५, काठमाडौं । बागमती प्रदेशमा रिक्त राष्ट्रियसभा सदस्य पदका…

एमालेभित्रका अर्का ४ भाइको आयो नयाँ वक्तव्य(हेर्नुहोस् पूर्ण पाठ)

एमालेभित्रका अर्का ४ भाइको आयो नयाँ वक्तव्य(हेर्नुहोस् पूर्ण पाठ) २ हप्ता पहिले | संसार न्यूज़

२० जेठ, काठमाडौं । नेकपा एमालेका बरिष्ठ नेताद्वय झलनाथ खनाल…

एसडी मुनी भन्छन् – ओलीको सत्ता भारतको सहयोगमा चलेको छ (भिडियोसहित)

एसडी मुनी भन्छन् – ओलीको सत्ता भारतको सहयोगमा चलेको छ (भिडियोसहित) ३ हप्ता पहिले | संसार न्यूज़

जेठ १२, काठमाडौं । नेपाल मामलाका जानकार जेएनयूका प्राध्यापक एसडी…

डा .ओममूर्ति अनिलको सुझाव–दैनिक जीवनमा यी खानेकुरा बढी प्रयोग गर्नुहोस्

डा .ओममूर्ति अनिलको सुझाव–दैनिक जीवनमा यी खानेकुरा बढी प्रयोग गर्नुहोस् २ हप्ता पहिले | संसार न्यूज़

वरिष्ठ मुटुरोग विशेषज्ञ डा ओममूर्ति अनिलले दैनिक जीवनमा यी खानेकुरा…