२९ जेठ, काठमाडौं । वागमती प्रदेशसभा सांसद नरोत्तम बैद्यले आवेशमा आएर आफूले प्रधानमन्त्री केपी शर्मा ओलीविरुद्ध दिएको अभिव्यक्ति फिर्ता लिएको बताएका छन् ।
शुक्रबार वागमती प्रदेशसभाको बैठक सुरु भए लगत्तै सभामुखसँग समय मागेर उनले आवेशमा आएर आफूले प्रधानमन्त्रीविरुद्ध अभिव्यक्ति दिएको भन्दै आत्मालाचना सहित उक्त अभिव्यक्ति फिर्ता लिएका हुन् ।
आफु गान्धिवादी भएको र हत्याहिंसामा कुनै विश्वास नगर्ने बताएका सांसद बैद्यले आत्मालोचनासहित शुक्रबार आफुले दिएको अभिव्यक्ति फिर्ता लिँदै संसदको रेर्कडबाट हटाउन समेत अनुरोध गरेका थिए ।
उनले उक्त अनुरोध गरेपछि सभामुख सानुकुमार श्रेष्ठले शुक्रबार प्रधानमन्त्रीविरुद्ध उनले बोलेको अभिव्यक्ति रेर्कडबाट हटाउन निर्देशन दिएका थिए ।
वैद्यले दिएको उक्त अभिव्यक्तिको चौतर्फि आलोचना भएको छ भने उनको पार्टी नेपाली कांग्रेसले पनि बैद्यलाई आफ्नो अभिव्यक्ति फिर्ता लिन निर्देशन दिएको थियो भने नेकपा एमालेले उनको अभिव्यक्ति आपराधिक, अत्यन्त आपत्तिजनक र निन्दनीय रहेको बताएको थियो भने वागमती प्रदेश संसदीय दलले लिखित रुपमै आत्मालोचना गर्नुपर्ने माग गरेको थियो ।
वि.सं.२०७८ जेठ २९ शनिवार १२:३४ मा प्रकाशित
