जिन्दगीमा धेरै कुराहरूमा तपाईको नियन्त्रण हुन सक्तैन । न त बाबुआमा, न आफन्त । तर, एउटा चिज भने तपाईले भनेजस्तो चयन गर्न सक्नुहुन्छ, त्यो हो साथी । तपाईको जीवनका बाटाहरूमा हरेक प्रकारका साथीहरू नजिक आउने जाने गरिरन्छन् । तर, ती साथीमध्ये पनि कस्ता साथीलाई आफ्नो जीवनको सुख दुःख बाँड्ने र आफ्नो गोपनीयता शेयर गर्ने भन्ने हुन्छ । तपाईले त्यसबीचमा असल साथीको चयन गर्नसक्नु भएन भने जिन्दगीमा पछुताउनु पर्ने हुन्छ । यहाँ भन्न खोजिएको तपाईको जीवनसाथीको नभई तपाइकोको जीवनमा विभिन्न भूमिकामा देखा पर्ने साथीहरूको हो । असल साथी भेट्नु भयो भने तपाईको जीवनलाई सहि दिशा दिन सक्छन् भने गलत साथीको संगतका कारण जीवनभर तनाबको सामना गर्नुपर्ने हुन्छ । आउनुहोस् कस्ता साथीहरूबाट टाढै रहने ?
गफाडी साथी – हामी सबैको साथीको लिस्टमा कोही यस्ता साथी पनि हुन्छन् जो व्यक्ति आसपासमा रहेका मानिसहरूको ध्यान आफूतिर तान्नकै लागि यस्तो गर्छन् । उसलाई यस्तो कुराको कुनै सरोकार नै हुँदैन की उसले गरेको कुरा कति सत्य हो भन्ने । जबसम्म मानिसहरू उसको कुराको आनन्द लिइरहेका हुन्छन् । उसलाई कुन कुरा गरो भन्ने थाहा पनि हुँदैन् । तपाई यस्ता साथीहरूलाई आजैदेखि भरोसा गर्न छाडिदिनुस् । किनकी जो व्यक्ति तपाईको अगाडि अरुको बारेमा नराम्रो कुरा गर्छन् उनीहरू अरुको अगाडि तपाइैको बारेमा नराम्रो कुरा गर्न कत्ति पनि हिचकिचाउँदैनन् ।
पैसा खर्च गर्न डराउने– तपाईको जीवनमा कतिपय यस्ता साथीहरू पनि भेटिए होलान् या भेटिने छन्, जसले पैसा खर्च गर्नुपर्छ भनेर बिरामी भएको बहाना गर्छन् । हो, यस्ता साथीहरूबाट टाढै रहेको राम्रो । उनीहरू आर्थिक समस्यामा नभए पनि पैसा खर्च गर्ने मामिलामा कन्ज्युस्याँइ गर्छन् । उनीहरूसँगै सपिङ गर्न जानु पनि धेरै समस्या हुन्छ । उनीहरू महँगो भएको बहाना गरेरै टार्छन् । यदि जब पैसा खर्च गर्ने पालो तपाईंको आउँछ तब उनीहरूलाई यो कुरा सोच्दैनन् । उनीहरू “तिमी कति धनी छौ” भन्दै तपाईले किनिदिएको समान स्विकार गर्छन् ।
घमण्डी– हरेक मानिसमा थोरै अंहकारपन हुन्छ । त्यसलाई प्राकृतिक रुपमा पनि लिनुपर्छ भन्ने हाम्रो समाजको मान्यता छ । यदि तपाईको साथी तपाईले गरेको कुरा काटेर बीचमा आफ्नो राय जर्बजस्ती घुसाउँछ भने तपाई घमण्डी व्यक्तिसँग कुरा गर्दै हुनुहुन्छ । यस्ता व्यक्तिहरू आफ्नो कुरा घण्टौसम्म गरिरहन्छन् र आफ्नो कुरा ठिक हो भन्ने देखाउँछन् । यस्ता व्यक्तिहरूसँग व्यवहार गर्दा उसले गरेको कुरामा हो मा हो मिलाउँदै जानुस् र विस्तारै जरुरीका आधारमा सम्बन्ध राखि राख्नुस् ।
इष्र्या गर्ने साथी– यदि तपाईलाई देखेर कोही इष्र्या गर्छ भने उ तपाईको सच्चा साथी हुन सक्तैन् । यस्ता साथीहरूबाट दुरी बनाइ राख्नु नै राम्रो हुन्छ । साथी त तपाईको खुसीमा खुसी हुन्छन् तपाईको सफलतामा इष्र्या गर्दैनन् । त्यस्ता साथीहरू अगाडि राम्रो देखिएर पछाडि इष्र्याको आगोमा आफै जलिरहेका हुन्छन् । तपाई उनीहरूको आँखामा यो सबै देख्न सक्नुहुन्छ । धेरैपटक उनीहरूको कुराबाट पनि यो थाहा हुन्छ उनीहरू तपाईको इष्र्या गर्छन् । उनीहरू भन्छन् “यो त ठूलो कुरा भएन, यस्तो त मैले धेरैपटक गरेको छु ।” यस्ता व्यक्तिहरू आफ्नै जीवनबाट पनि खुसी हुँदैनन् ।
मुस्कानरुपी विष– तपाईको साथीको लिस्टमा यस्ता धेरै साथी होलान्, जसको जिन्दगी रमाइलो हुन्छ । उनीहरू ठूला भन्दा ठूला समस्यामा पनि मुस्कुराउने र हाँसेर सकारात्मक बन्ने उपाय खोजिरहन्छन् । के उनीहरू सहि अर्थमा यस्ता हुन्छन् यात फेरि साथी बनाउने उनीहरूको तरिका हो यो । धेरै अवस्थामा यस्तो व्यवहार धोकाको आधार पनि बन्न सक्छ । यस्ता व्यक्तिहरू सोझोपना देखाएर तपाईको विश्वासको फाइदा उठाइरहेका हुन्छन् । जब तपाई साथिले देखाएको व्यवहार गलत हो भन्ने बुझ्नुहुन्छ त्यतिबेला त्यो साथी तपाईबाट फाइदा लिएर टाढा गइसकेको हुन्छ । यस्ता साथीहरूबाट सधै टाढा रहनुस् र सोच्नुहोस आखिर उ तपाइसँग किन सम्बन्ध गाँस्न चाहेको छ भनेर ?
वि.सं.२०७३ फागुन १ आइतवार ०७:३७ मा प्रकाशित