back

लघुकथा: गैरीखेत

वि.सं.२०७८ असार २६ शनिवार

225 

shares
NTC AD
Global IME AD

एकसय बर्ष भन्दा लामो इतिहास बोकेको गैरीखेत त्यसक्षेत्रमै बढी उब्जनी हुने नामी खेत थियो । हरिबहादुरको परिवारको मुख्य आयश्रोतको माध्यम पनि त्यही खेत थियो ।

हरिबहादुर खेतको मैझारो गरिसकेपछि जीवनसाथी निर्मलासँग खुशीहुँदै भन्दै थिए–‘निर्मला, यसपाली पनि समयमै खेत रोपीसकियो एउटा मुख्यकाम किनार लाग्यो, होगी ।’

‘रोपाइँ त सकियो राम्रो भयो । तर खेतको बीचबाटै गाडीको बाटो खनिदैछ, म त किन हो गाउँमा विकास आएकोमा खुशी मनाउने कि नमनाउने दोधारमाछु । मनसुनको पनि भर छैन कहिले अतिबर्षा हुन्छ, कहिले खडेरी पर्छ ।’ निर्मलाले पतिलाई पुलुक्क हेर्दै मायालु नजर फ्याकिन् ।

मध्येरातबाट मुसलधारे वर्षा सुरु भयो । संचार माध्यमहरु एकहप्तासम्म मौसमीवर्षा हुने मौसम विभागको सूचना संप्रेषण गरिरहेका थिए ।

नभन्दै तेस्रो दिनसम्म पनि वर्षा रोकिएन । बाढीपहिरोले धेरैतिर क्षति पुर्याएको समाचारहरु आइरहेका थिए । तेस्रोदिनको साँझपख हल्ला फैलियो हरिबहादुरको गैरीखेतमा पनि बाढी र लेदो पसेर पूरै खेत पुरियो ।

आधाखेत पहिरोको कटानमा पर्यो ।

हरिबहादुरका जोईपोइ खेतको अवश्था देखेर स्तब्ध बने । उनीहरूका सुन्दर सपनाहरु बाढीपहिरोसँगै बगेर गएका थिए ।

दुबै जोईपोइ भेला भएका गाउँले र जनप्रतिनिधिलाई साक्षी राखेर एकसाथ चिच्याए ।

‘गाउँले दाजुभाइ तथा दिदीबहिनीहरु हाम्रो गाउँमा विकास भित्रिदै छ कि विनाश भित्रिदेै छ, हँ ।’

 

वि.सं.२०७८ असार २६ शनिवार ०७:०६ मा प्रकाशित

NLIC AD
NABIL bank AD
कविता : आत्मनिर्भर देवचूलीको, सभ्यता छ विशाल

कविता : आत्मनिर्भर देवचूलीको, सभ्यता छ विशाल

फर्शुराम भूर्तेल, पैयुँ ५, पर्वत (हाल देवचुली-१५, नवलपुर)  सुन्दर भूमि...

हे मातृभूमि..गजल श्रव्यदृश्य सार्वजिनक

हे मातृभूमि..गजल श्रव्यदृश्य सार्वजिनक

काठमाडौँ । नेपाली साहित्य परिषद्को आयोजनामा कविशिरोमणि लेखनाथ पौड्यालद्वारा रचित...

कविता : लिङ्ग

कविता : लिङ्ग

अर्जुन वेदना राई, इलाम ‘बालिका बलात्कारपछि हत्या’ सृष्टिको अभिन्न अङ्ग...

गजल

गजल

लक्ष्मी प्रसाद फुयाल मोरङ पथरी, शनिश्चरे पत्थर हुँदैछ यो दिल...

कविता : एक मुट्ठी जिन्दगी

कविता : एक मुट्ठी जिन्दगी

निरूविन्दु परियार, कालेबुङ, भारत निद्राबाट बिउँझिना साथ एक अञ्जुली सपना...

कोपिला

कोपिला

गणेश लोहनी, काठमाडौं १. पिलिएर पाक्न थाल्यो घाउ जिन्दगीको आफ्नै...