Sansar News- Online for Global Nepali

कविता: रुखको श्राप

कमला तामाङ, मिरिक, दार्जिलिङ
२ हप्ता पहिले
कविता: रुखको श्राप

किन यस्तो ?
किन तिम्रो प्रहार मेरो कम्मरमा ?
छैन कतै मेरो गुहार ।
त्यसैले, घरीघरीको यो निर्मम प्रहार ?

मलाई पनि त दुख्छ ।
तिम्रो बञ्चरो कति धारिलो हँ !

टन्टलापुर घाममा
मैंले वर्षौं दिएको शीतल छहारी
एकै पलमा बिर्सने भएछौ
तिमी त साह्रै अगुणी रहेछौं नि ।

टन्टलापुर घामले थाप्लोमा कोर्रा बर्साउँदा
मैंले तिम्रो बाजेलाई दिएको शीतलताको
तिम्रो बा–सम्म पनि मनग्गे पुगेथ्यो ।
देखाएनन् बाले तिमीलाई
उनको शरीरभरि
मैंले छाडिराखेको सन्चोहरु हँ ?

मलाई थाह छ /एकदमै
थाह छ
तिमी लोभको बन्दी छौ ।
प्रलोभनले अन्धा छौ तिमी ।
त्यही अन्धो प्रलोभनको प्रभावमा

मेरो सन्तानको संहारमा
निस्केको छौ तिमी ।
हातमा विषालु बञ्चरो छ
धारिलो आरालाई
आतङ्कको ताण्डव नाप्ने
तिम्रो निर्दयी आदेश छ ।
हेर त !
घाम ताप्न निस्केको मुनाहरु
सबैलाई टुहुरो बनायौ । होइन
यी अबोधहरुको आँसुले
पिरेको बेला
पछुतो गर्ने समय पनि
हुनेछैन तिमीसँग ।
म जस्तो निरीहहरुको
ज्यान बेचेर
कमाएको तिम्रो वैभवलाई
मेरो श्राप लागेको दिन
तिम्रो महल
तासको घरजस्तै ढल्नेछ,
तिम्रा पनातिहरु
अक्सिजनको क्यूमा उभिन पर्नेछ ।

कति अक्षम्य अपराध छ तिम्रो !
त्यही अपराधको श्राप लाग्नेछ तिमीलाई
पक्कै लाग्नेछ ।।

 

सर्बाधिक पढिएको

ओलीतन्त्रको समिक्षा र देउवाको चुनौती

ओलीतन्त्रको समिक्षा र देउवाको चुनौती ३ हप्ता पहिले | नीलकण्ठ तिवारी

सबै कुरालाई हाँसीमजाकमा लिने निवर्तमान प्रधानमन्त्री केपी शर्मा ओली बडो…

ओली बिनाको पार्टी एकताको तयारी गर्दै प्रचण्ड र माधव, को–को हुँदैछन् सहभागी ?

ओली बिनाको पार्टी एकताको तयारी गर्दै प्रचण्ड र माधव, को–को हुँदैछन् सहभागी ? ३ हप्ता पहिले | संसार न्यूज़

असार ३०, काठमाडौं । राजनीतिक घटनाक्रम फेरिएसँगै एक ठाउँमा उभिएका…

माधव पक्षीय कार्यदलमै विवाद : गोकर्ण र सुरेन्द्र एकातिर, घनश्याम अर्कोतिर

माधव पक्षीय कार्यदलमै विवाद : गोकर्ण र सुरेन्द्र एकातिर, घनश्याम अर्कोतिर ३ हप्ता पहिले | समर शर्मा

असार २४, काठमाडौं । एमाले विवाद समाधान उन्मुख भएको चर्चा…

नेपालीहरु ठगिएको गुनासो बढ्न थालेपछि कतारस्थित नेपाली दूतावासले जारी गर्यो यस्तो सूचना

नेपालीहरु ठगिएको गुनासो बढ्न थालेपछि कतारस्थित नेपाली दूतावासले जारी गर्यो यस्तो सूचना ४ हप्ता पहिले | संसार न्यूज़

१८ असार, कतार । कतारस्थित नेपाली दूतावासले डिजिटल ठगीबाट बच्न…