हुन त ऊ
सबैभन्दा अग्लो स्थानमा फुलेको
सुन्दर जून हो
तारा हो
होचोमा फूल्दैन
जूनतारा देख्नेहरू लोभिन्छन्
छोएर टिप्न सक्दैनन्
तर तिमी
धरतीमा मुस्कुराएको फूल हौ
अग्लो
होचो
हिलो
धुलो जहाँ पनि फुल्छ्यौ
खुल्छ्यौ
लोभिनेहरू छुन्छन् र टिप्छन
आकाशका जून तारा
अक्सर रातभरि फुल्छन र दिनमा हराउँछन्
तर
धरतीको फूल
रातमा जून तारा हेरेर
दिनमा घाम देखेर
अन्तिम पलसम्म
मगमगाउदै मुस्कुराउछ ।
वि.सं.२०७८ साउन २ शनिवार ०७:५५ मा प्रकाशित