१३ साउन, काठमाडौं । बागमती प्रदेशमा मंगलबार थप ९ कोरोना संक्रमितको मृत्यु भएको छ ।
प्रदेशको सामाजिक विकास मन्त्रालयका अनुसार काठमाडौंका ७९ र ३६ वर्षीया २ महिला र ७२ वर्षीय पुरुष गरी ३ जना, ललितपुरका ३४ र ८० वर्षीय २ पुरुष, भक्तपुरका ६६ वर्षीय पुरुष, धादिङका ६५ वर्षीय पुरुष, दोलखाकी ८२ वर्षीया महिला र मकवानपुरका ७६ वर्षीय पुरुष गरेर ९ जनाको मृत्यु भएको हो ।
मंगलबार थपिएका ९ जनासँगै प्रदेशमा ज्यान गुमाउनेको संख्या ४ हजार २२ पुगेको छ ।
त्यसैगरी प्रदेशमा मंगलबार ८,४१९ नमुना परीक्षण गरिएकोमा १५२१ जना संक्रमित थपिएका छन् । मंगलबार थपिएका १५२१ जनासँगै प्रदेशमा हालसम्म संक्रमित हुनेको संख्या ३ लाख ६९ हजार ६२४ पुगेको छ । साथै मंगलवार निको भएका ११४७ जनासँगै हालसम्म प्रदेशमा ३ लाख ५५ हजार ६१३ जना निको भएका छन् ।
वि.सं.२०७८ साउन १३ बुधवार ०९:२३ मा प्रकाशित