Sansar News- Nepal's Fast Khabar Online News Portal

यसरी पूरा गर्नुस् अफिसमाआफ्नो जिम्मेवारी

संसार न्यूज़
३ वर्ष पहिले
यसरी पूरा गर्नुस् अफिसमाआफ्नो जिम्मेवारी

office-work-girlमानिस धेरै कुराबाट दुःखी हुन्छ । यो प्राकृतिक नियम पनि हो जीवन जिउने सन्दर्भमा यस्ता धेरै समस्याहरु आइदिन्छन् जसले मानिसलाई तनावमा पारिदिन्छन् । ती तनावमध्ये एक हो जागिर । मान्छे जागिर खोज्ने क्रममा तनाव झेलेको हुन्छ र जागिर पाएपछि पनि तनावमा हुन्छ । मानविय स्वभाव धेरै कुरामा उसको मत मिल्दैन । अनि त्यसका कमजोरीहरु के हुन् नखोजी उ फेरि नयाँ आशा लिएर नयाँ ठाउँमा कामको खोजीमा पुगेको हुन्छ । जहाँ कामगर्ने क्रममा मान्छे केही आफ्ना कारणले दुःखी हुन्छ यातफेरि कामगर्ने कम्पनीको बोस या आफूलाई काम लगाउने म्यानेजरका कारण दुःखी हुन्छ ।
कम्पनीको प्रगति नै आफ्नो प्रगति
कामगर्ने क्रममा कसैलाई लाग्छ, म बिना यो कम्पनी चल्नै सक्तैन् । हो, कम्पनीलाई अगाडि बढाउनका लागि उसको पनि महत्वपूर्ण भूमिका जोडिएको हुन्छ । तर, उसको यस्तो सोचाइ भुल हो की, उ नभए कम्पनी बन्द हुन्छ भन्ने । केही समय उसको ठाउँमा अर्को स्टाफ ल्याएर काम सिकाउनका लागि कम्पनीलाई गा¥हो पर्छ । तर, कम्पनी बन्द गरेर बस्ने अवस्था आउँदैन् । जसरी संयुक्त परिवारमा हरेक सदस्यको आ–आफ्नो भूमिका हुन्छ । हो, कम्पनी पनि त्यसैगरी चलेको हुन्छ । सकारात्मक भूमिका खेलेर कम्पनीलाई माथि उठाउनु कम्पनीका हरेक सदस्यको जिम्मेवारी हुन्छ । त्यो जिम्मेवारी पूरा गर्न सकेमा कम्पनी माथि जानुका साथै आफ्नो व्यक्तित्वका साथै आर्थिक वृद्धि पनि सहज हुन्छ । त्यसकारण आफ्नो विकास नै कम्पनीको विकास र कम्पनीको विकास नै आफ्नो विकास सोच्नु राम्रो हुन्छ हरेकका लागि ।
मनमनै बोसलाई गालि गर्नु
कतिपय कम्पनीमा मानिसहरु भित्रभित्रै बोससँग रिसाएका हुन्छन् । डरका कारण आफ्ना मनमा आएका कुरा खुलेर बोल्न सक्तैनन् । तर, उनीहरु यो सोच्दैनन्, कम्पनी चलाउनका लागि बोसहरु त्यहिअनुसार योजना बनाएका हुन्छन् । मेनेजरहरु त्यहि अनुसार निर्देशित हुन्छन् । जो आफ्नो कम्पनीलाई माथि उठाउनका लागि हरसम्भव प्रयासमा रहन्छन् । त्यसकारण उनीहरु आफ्ना स्टाफहरुसँग गहिरो सम्बन्ध राखेर साथी बनाउन चाहादैनन् र उनीहरुको सम्बन्धबाट टाढिन पनि चाहदैनन् । उनीहरु गहिरो सम्बन्धलाई हानिकारक पनि मान्छन् । हानिकारक यसअर्थमा की कतिपय अवस्थामा उनीहरुलाई क्रुर फैसला लिनुपर्ने हुन्छ । त्यतिबेला साथीहरुको बीचमा यो सफल हुन सक्तैन् वा फैसला गर्न सक्तैनन् ।
अरुको प्रमोसनमा रिसाउनु
कतिपय मानिसहरु अरुको प्रमोसनमा रिसाउने गर्दछन् । जबसम्म तपाइको मनमा आफ्नो नेतृत्वप्रतिको गुण दोषको परिभाषा थाहा हुँदैन तबसम्म तपाइको मनमा यहि कुंठाले घर बनाएको हुन्छ । त्यसमा तपाइले यो पनि सोच्नु पर्दछ की त्यो पदको लागि तपाइ सक्षम हुनुहुन्छ की हुँदैन् । कतिपय अवस्थामा तपाइले आफू त्यो पदको लायक छु भनेर प्रमाणित पनि गर्नुपर्दछ । तपाइ आफ्नो कम्पनीमा बोसले अह्राएको काम जिम्मेवारीपूर्वक पूरा गर्दै समय समयमा म यो पदको लागि योग्य छु भन्ने पनि देखाउन जरुरी छ ।
आफ्नो भूमिका राम्रोसँग पूरा गर्न नखोज्ने
कतिपय मानिसहरु हरेक कुरामा आफ्नो जिम्मेवारी फितलो रुपमा प्रस्तुत गर्छन् । उनीहरुलाई दिएको जिम्मेवारी पूरा गर्न खोज्दैनन् । तर, तपाइले यो सोच्न जरुरी छ तपाइ जहाँ पुग्नुस कामका लागि त्यहाँ तपाइको मुख होइन, तपाइको काम हेर्छन । तपाइमा रहेको शीप क्षमता हेर्छन । अनुहारको सुन्दरताले भलै एकदिनका लागि सबैको मन जित्नुहोला । तर, उक्त कम्पनीमा तपाइको आवस्यकता अनुहार देखाउन नभएर कामका लागि हुन्छ । व्यवसायिक जीवनमा डिग्री भन्दा पनि अनुभवको आवस्यकता बढी हुन्छ । यसकारण तपाइ आफ्नो काम गम्भीर भएर गर्नुहोस् । तपाइको जुन कामले बोश खुसी भएर स्यावासी दिन्छन् त्यो काममा ध्यान बढी दिनुहोस् । काम पूरा गर्नका लागि राम्रो भन्दा राम्रो तरिका अपनाउनुहोस् । यदि तपाइले यसरी नै आफ्नो भूमिका पूरा गर्दै जानुभयो भने सम्झनुहोस् की कम्पनीको प्रगति दिनप्रतिदिन बढ्दै गएको हुन्छ त्यसमा तपाइको पनि व्यक्तित्व विकास भएको छ ।
समयको सम्मान गर्नुहोस्
तपाइको कम्पनीमा सबैभन्दा महत्पवूर्ण भूमिका तपाइको बोसको हुन्छ । जिम्मेवारी पनि त्यतिकै बढी हुन्छ । त्यसकारण अफिस सधै समयमा पुग्नुहोस् । समयमा आफ्नो काम सुरु गर्नुहोस् । तपाइलाई लाग्ला तपाइको बोसलाई यी साना साना कुरामा खासै मतलब हुँदैन् । र मतलब पनि राख्दैन् । तर, तपाइले गरेको सानो हेलचेक्रयाइले कम्पनीलाई ठूलो नोक्सान हुन्छ । तपाइको बोसले अफिसका हरेक स्टाफको स–साना काममा ध्यान राखेका हुन्छन् ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ५ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ३ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ३ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…