चन्द्रा जोशी (सुमन), लेबनान । एनआरएनए लेवनानको २० अगस्तका दिन सम्पन्न छैटौं अधिबेशनले अशोक थापालाई अध्यक्षमा चयन गरेको छ ।
जसको उपाध्यक्षमा छविलाल लामिछाने, महासचीवमा धमेन्द्र दाहाल (प्रयास), सचिवमा नान्छु शेर्पा, कोषाध्यक्षमा हेम मगर,सहकोषाध्यक्ष रामसिंह तामाङ्ग, युवा संयोजकमा अर्जुन अधिकारी, महिला संयोजकमा रमा ढकाल,सदस्यहरुमा धनकुमारी सुनार,ललितसिंह घिसिङ्ग तामाङ्ग (प्रकाश), अप्सरा दाहाल,सुन्दरी लामा र सिता लामा रहेका छन् ।
यसैगरी मोहन लिम्बु, शत्रुघन मण्डल, राम प्रसाद पोख्रेल,पुर्ण बहादुर गुरुङ्ग र चन्द्रा जोशी (सुमन) लाई संघको सल्लाहकारमा चयन गरिएको छ ।
नेपाली महिलाहरुको पर्व हरितालिका तीजको अवसर पारेर बेरुतको (चलेट सुईस् हल) मा आयोजना गरिएको उक्त कार्यक्रममा कार्यबाहक अध्यक्ष छविलाल लामिछानेको सभापतित्व तथा एनआरएनए आइसीसी सदस्य देबिमाया लिम्बुको प्रमुख आतिथ्यता रहेको थियो । प्रमुख अतिथि लिम्बुले तिजको शुभकामनासहित आफ्ना भनाइ राखेकी थिइन् ।
कृष्ण घिमीरे (काले कृष्ण) को सञ्चालन तथा राम प्रसाद पोखरेलको कार्यक्रम संयोजन,रहेको उक्त कार्यक्रममा नेपालमा हालै आएको बाढीमा परेर दिवंगत भएकाको सम्झनामा एक मिनेट मौनधारण गरीएको थियो भने घाइतेहरुका लागि शिघ्र स्वास्थ्यलाभको कामना गरिएको थियो । त्यस पश्चात नेपाली राष्ट्रियगानको धुनसँगै औपचारिक रुपमा कार्यक्रम सुरु गरिएको थियो ।
सोहि अवसरमा नवनिर्वाचित कार्यसमितिका पदाधिकारीहरुलाई आइसीसी सदस्य लिम्बुले खादा ओढाएर कार्यकाल सफलताको शुभकामना दिएकी थिइन् भने नवनिर्वाचित पदाधिकारीहरुले जस्तो सुकै परिस्थितिमा पनि आफ्नो क्षमता र प्रतिबद्धताका साथ लक्ष्य र उद्धेश्यका लागि लागि पर्ने प्रतिबद्धता सहित सपथ ग्रहण गरेका थिए ।
सोहि अवसरमा एनआरएनए लेवनानले कार्यक्रमका सहभागीहरुसँग बाढीपीडितका लागि राहत स्वरुप ७५ हजार संकलन गरिएको थियो । उक्त रकम मध्ये सप्तरीका बाढीपीडितहरुका लागि सहयोगस्वरुप रु २५ हजार २४४ रुपैयाँ सोलिडारिटी ट्रष्ट नेपालकी अध्यक्ष चन्द्रिका राना थापा (चन्दा) नाममा पठाइएको छ भने अन्य रकम संघको कोषमा अनिल नाथ ढुंगानाको नाममा राखिएको बताइएको छ ।
यसैगरी अध्यक्ष थापाले बाढीपीडितका लागि सहयोग गर्ने सम्पूर्ण सहयोगी मनहरुलाई धन्यवाद ज्ञापन गरेका थिए ।
सो अवसरमा विभिन्न मनोरञ्जनात्मक सांस्कृतिक कार्यक्रमहरु पनि गरिएको थियो ।
वि.सं.२०७४ भदौ २० मंगलवार १३:०७ मा प्रकाशित
