कुवेत नेपाली एकता समाज केन्द्रीय समितिको आयोजनामा वनभोज तथा कार्यकर्ता भेला भव्यताका साथ सम्पन्न गरेको छ ।
उक्त कार्यक्रम समाजका केन्द्रीय अध्यक्ष निम बुढा मगरको सभापतित्व तथा महासचिव खुम रायामाझीको सञ्चालनमा शुरु भएको कार्यक्रममा उपाध्यक्ष जनक भुसालले उपस्थित सम्पुर्णलाई स्वागत गर्नु भएको थियो । कोषाध्यक्ष आशा शेरवुजा मगर, सल्लाहकार अनिल रसाइली तथा अतिथि माधव पौडेलले कार्यक्रम सफलताको लागि शुभकामना मन्तव्य राख्नु भएको थियो ।
कार्यक्रममा हाजिरी जवाफ प्रतियोगिता, म्युजिक चियरको पनि आयोजना गरिएको थियो भने रक्तिम सांस्कृतिक परिवार कुवेतले दिनु भएका प्रस्तुतिहरुले कार्यक्रमलाई अति उत्साहजनक र रोमाञ्चक बनाएको थियो ।
आजै बसेको कार्यकर्ता भेलाले आउँदो मजदुर दिवस ४ मई २०१८ का दिन नेपालबाट आउने अतिथि कलाकार र स्थानिय रक्तिम कलाकारको साथमा भव्यरुपमा आयोजना गर्ने निर्णय गरेको छ । सो कार्यक्रमको स्थान समय अनलाइन समाचारहरुमार्फत छिट्टै नै जानाकारी गराउने कुरा समाजका केन्द्रिय महासचिव खुम रायामाझीले बताउनु भयो ।
वि.सं.२०७४ मंसिर १७ आइतवार ११:३३ मा प्रकाशित