हामी सबैकाे संसारन्यूज

७ पुस, एजेन्सी । इङलिश प्रिमियर लिगमा शीर्ष स्थानको म्यान्चेष्टर सिटीले शानदार जित हासिल गरेको छ । हिजो राति सम्पन्न खेलमा म्यान्चेष्टर सिटीले न्यकासल युनाईटेडलाई ३ -१ ले हराएको हो ।
सिटीको जितमा सर्जियो अगुएरो ले ह्याट्रिक गरे । अगुएरोले खेलको ३४, ६३ तथा ८३ औ मिनेटमा ह्याट्रिक परा गरे ।  अघिल्लो हप्ता लिभरपुलसँग सिजनकै पहिलो पराजय भोगेको सिटी पुनः विजयी यात्रामा फर्केको हो । जितसँगै सिटीले  २४ खेलबाट ६५ अंक हासिल गरेको छ । जुन दोस्रो स्थानको म्यानचेष्टर युनाईटेडको भन्दा १२ अंक धेरै हो । युनाईटेडको २४ खेलबाट ५३ अंक रहेको छ । यस्तै तेस्रो स्थानको चेल्सीको ५० तथा चौथो स्थानको लिभरपुलको ४७ अंक रहेको छ ।