दुवै मिर्गौला फेल भई शिक्षण अस्पतालमा स्वास्थ्य उपचार गराई रहेकी नेपाली तारा सिजन–३ बाट उदाएकी नवोदित गायिका जलजला परियारलाई हङकङबाट तीन दिनमा रु १ लाख ६९ हजार सहयोग रकम संकलन गरि हस्तान्तरण गरिएको थियो ।
हङकङमा कुन्सा योक्पाङदेन, सलिना इस्पो र शोभा राईको पहलमा संकलन गरी फाल्गुन २, बुधबार पठाइएको उक्त रकम शिक्षण अस्पतालमा पत्रकार ईन्द्र लोक्सम र झरमान लिङदेनले हस्तान्तरण गरेका थिए ।
सहयोग रकम हस्तान्तरण पछि २१ वर्षीया जलजलाको स्वस्थ्य पहिलाको भन्दा सुधार आएको भएपनि मृगौला प्रत्यारोपण गर्नुपर्ने र आफ्नै परिवारका सदस्यले मिर्गौला दिने तयारी भईरहेको परिवार श्रोतले वताएको छ ।
जलजलाको शिघ्र स्वास्थ्यलाभको कामना गर्दै तीन दिनमा सहयोग रकम संकलन गरि पठाएको कुन्सा योकपाङदेनले वताईन् ।
वि.सं.२०७४ फागुन ८ मंगलवार ११:३६ मा प्रकाशित