क्यानडामा आयोजना हुन लागेको बहुसास्कृतिक कार्यक्रममा नेपालको पनि सहभागीता हुने जनाइएको छ ।
विगत २ बर्ष देखी क्यानडाको ओन्टारियो सहरमा बहुसांस्कृतिक तथा व्यापरिक मेलामा सहभागिता हुदै आईरहेको नेपाल पर्यटन बोर्ड क्यानडाले यस बर्ष पनि सहभागिता जनाउने बताईएको छ ।
सो मोहत्सवमा नेपालको पर्यटकीय क्षेत्र, बिभिन्न जातजातिका कला–संस्कृति र नेपाली परिकारको पनि प्रर्दशन गरिने क्यानडाका लागि पर्यटनदूत नरबहादुर टन्डनले जानकारी दिएका छन् ।
गत बर्ष पनि आयोजना गरिएको मेलामा नेपालको कला संस्कृतिलाई मन पराएर ब्राम्टन नगरपालिकाले नेपालको संस्कृतिलाई उत्तम मान्दै पहिलो प्राथमिकता दिएको थियो ।
स्मरण रहोस यस कार्यलाई उच्च स्थानमा पुर्याउन, उत्तर अमेरिकाका सांस्कृतिक दुत पुर्ण नेपाली लगायतकाले महत्वपूर्ण भूमिका निभाउनु भएको थियो ।
सो मेलामा विश्वबाट करिब ७५ देशको सहभागिता रहेको सो कार्यक्रममा ४ लाख बढी दर्शकहरुको सहभागिता रहेको थियो भने करिब १६ हजार भन्दा बढी दर्शकहरुले नेपाली स्टलको अवलोकन गरेका थिए । अवलोकनकर्ताहरुले नेपाल र नेपालीको कला संस्कृतिलाई मन पराउनुका साथै प्रसंसा समेत गरेका थिए ।
ईच्छुक नेपाल घुम्न जान चाहने व्यक्तिहरुलाई १५ प्रतिशत छुटको ब्यवस्थासम्म गरिएको थियो र सो कार्यलाई निरन्तरता दिईने छ । आगामी दिनमा क्यानडाको बिभिन्न सहरहरुमा हुने यस्ता कार्यक्रमले नेपालको पर्यटन बिकासमा उल्लेखनिय टेवा पुग्ने ठहर गरिएको छ ।
साथै विगत ५ वर्ष देखी पर्यटनदूत टन्डनले ब्यक्तिगत लागतमा नेपालको पर्यटन विकासका लागी निरन्तर रुपमा निस्वार्थ भावले आफ्नो तर्फबाट शसक्त भुमिका निभाउदै आएका छन् । टन्डनले जस्तै अरु व्यक्तिहरुले पनि आ–आफ्नो तर्फबाट सक्दो सहयोग गर्ने हो भने नेपालको पर्यटन क्षेत्रको तिब्र बिकास हुने कुरामा दुईमत छैन् ।
वि.सं.२०७४ फागुन २० आइतवार ११:२८ मा प्रकाशित