२१ पुष, काठमाण्डौं । कथाकार माया ठकुरी नेपाली साहित्य नारी रत्न घोषित भएकी छिन् । त्रिमूर्ति निकेतनले आधुनिक कथा सृजनाका माध्यमबाट नेपाली भाषा साहित्यलाई देशदेशान्तरमा पु¥याई लोकप्रिय तुल्याएवापत नेपाली साहित्यका महारथी श्रीमती माया ठकुरीलाई ‘नेपाली साहित्य नारी रत्न’को सम्मान सहित पुरस्कार प्रदान गर्ने निर्णय गरेको हो ।
ताम्रपत्रका साथै यो पुरस्कारको राशि एक लाख रूपियाँ रहेको छ । यो पुरस्कार पाउने ठकुरी प्रथम स्रष्टा हुन् । यस सम्मानलाई निरन्तरता दिइने त्रिमूर्ति निकेतनले निर्णय गरेको छ ।
त्रिमूर्ति निकेतनका संस्थापक तथा अध्यक्ष इन्दिरा प्रसाईको अध्यक्षतामा बसेको निकेतनको बैठकले सो निर्णय गरेको हो ।
वि.सं.२०७३ पुस २१ बिहीवार ०९:३२ मा प्रकाशित
